Që nga 2013-ta e në vazhdim kryeministri Rama, ka shfrytëzuar në mënyrën më të mirë të mundëshme, madje edhe efikase, propagandën dhe piarin e tij me një staf të jashtëzakonshëm, si nga ana profesionale ashtu edhe nga mirpagesa e tyre.
Si të mos ti mjaftonte sistemi propagandistik i ngritur me paratë publike, nëpërmjet aferave korruptive, a presioneve, ka kaparuar pjesën më të madhe të medjas së shkruar e vizive. Nuk është ndalur para asgjëje për ti mbyllur gojën medjas që nuk i shkon për fije propagandës së tij të neveritshme e trushplarëse.
140 milion euro duhet të paguajme ne, vetëm se Rama mbylli dhe largoi medjan e lirë « Agon » që nuk i shkonte editorialisht për shtat qeverisë. Guxim i madh. Të çmendurit e kanë cilësi kryesore guximin.
Ngritja në sistem e gënjeshtrës, manipulimit e trushplarjes ka qënë dhe mbetet vepra më e madhe e Edi Ramës këto 8 vjet. Kjo duhet pranuar e vënë në dukje mirë.
Që para zgjedhjeve të 2013-ës hapi thesin e mashtrimeve me 300 mijë vende të reja pune, ani pse përfundoi me 400 mijë të rinj e të reja e familje të tëra që lanë vendin për shkak të mungesës së shpresës. Dhe gënjeshtari flet çdo ditë për vende të reja pune!!!
Pas çdo denoncimi opozitar për kanabizimin e vendit, propaganda qeveritare e medja servile e pushtetit jepte rrjeshta policesh, të veshura bukur, mjete të shërbimit policor, masa radikale në rrugë, motorra të rinj të policisë rrugore, arrestime live të shoferëve që ofronin 2 mijë lekshe për ti shpëtuar ndëshkimit me gjobë, kapje ndërtuesish pa leje, nga ata të fshatrave të thella që ndërtonin një mur a një ngrehinë (ani pse shtesat e gradaçelave bëheshin në sytë e kryeqeveritarit në mes të Tiranës), tu propaganduar rend e forcë ligji.
Avionët e drogës kishin bërë kërdinë, e për Top Chanal, Klan, Vizion Plus, RTSH po e po, shtypin e ditës në përgjithësi, ishin mushkonja që opozita i shihte si avionë droge. Dhe njerëzit i besuan derisa për rrezik u rrëzuan nja dy prej tyre.
Në kulmin e nevojës për mbështetje të Kosovës, propaganda trushplarëse, sa nuk na bëri të bëjmë bè në krye të Edi Ramës, me çilimat e kyq të pritjes së lidershipit të Kosovës, me mbledhjet e përbashkëta qeveritare, me deklaratën në Beograd se « Serbia duhet ta njoh Kosovën », me deklaratat « nacionaliste » të presidentit të përbashkët etj etj, a thua se kombi pat prit kët burrë për të zgjidhur punët e 100 viteve. E gjitha kjo me një propagandë mediatike personale (ERTV), qeveritare, e segmente të caktuara ndërkombëtare. Sepse, vetëm propaganda mund të shesi gënjështrën për të vërtetë dhe mund ta nguli thikën e tradhëtisë më mirë.
Pas çdo dështimi të tmerrshëm, pas çdo shkelje të parimeve të demokracisë e lirisë, gjendej propaganda, shpesh edhe me mbështetjen e faktori ndërkombëtar të tipit Knut, Vllahutini e Mogherini.
Ndërkohë që Shqipëria ishte mbushur me drogë dhe kthyer në vend origjine të trafikut të saj, nuk mungonin ambasadorë të rëndësishëm të vendeve përendimore, sidomos përfaqësuesit e organizmave europiane, të propagandonin në krah të Ramës se « qeveria po përpiqet të luftoje krimin dhe janë bërë përmirësime në këtë drejtim » etj etj.
Ndërkohë që Ministri i Brendshëm ishte kapur si pjesë e rrjetit të trafikut të drogës dhe Parlamenti i mbushur me kriminelë nuk pranonin të lejonin prokurorinë të kontrollonte shtëpinë, europianisti i korruptuar Knut dilte çdo ditë në krah të qeverisë duke e mbështetur për « sukseset » e luftës kundër krimit.
Propaganda qeveritare e mediatike e paraqiste Shqipërinë si vendin e luftës kundër krimit, të zbatimit ligjit, por që e pengonte drejtësia e korruptuar. Dy ministra të brendshëm të lidhur drejtpërdrejt me kartelet e drogës, për Flakenshajn e Vllahutin e kompani nuk përbënte problem.
Propaganda qeveritare dhe e përfaqësuesve të blerë ndërkombëtarë, mashtronte shqiptarët për suksese të qeverisë në luftën kundër krimit. E në fakt ishim e jemi kthyer në rrezik për të ardhmen e vendit prej kapjes së shtetit nga krimi. Tonelatat e drogës të kapura përtej detit nuk ju bënin përshtypje. Vërtetë diplomacia tashmë ishte kthyer te simbolika e tyre « valixhja diplomatike », ç’rëndësi ka nëse mban dokumenta a euro. Rëndësi ka të ishte plot.
I hynë mbarë e mbrapsht drejtësisë, jo për të luftuar korrupsionin e mosndëshkueshmërinë, siq propagandohej nga gënjeshtarët jo vetëm të qeverisë, por për të patur dorë të lirë Rama të bënte ç’të donte me shqiptarët, duke ju hequr të drejtën e ankimit në gjykatë, si kurr kund nuk ka ndodhur, as në sistemet diktatoriale, se edhe në këto sisteme, sëpaku ankimi ishte një e drejtë formale. Sot nuk ekzistën as e drejta e ankimit, se sistemin e drejtësisë e kanë vdekur plotësisht.
Asnjë investim i duhur, aq më pak strategjik, nuk ka ndodhur për 8 vjet, ndërkohë shohim në 4D suksese marramendëse aeroportesh. Ndërkohë që nuk ka asnjë rrugë të ndërtuar, kudo që vizohet një kryqëzim a një rrugë, propaganda e sjellë madhështinë e tyre si trushplarje për shqiptarët.
Ndërkohë që e kanë nxirë në çdo sektor të jetës së vendit, në ekonomi, arsim, kulturë, interes kombëtar e kudo, përsëri po del në plan të parë propaganda me fjalë mashtruese për të shplarë trurin e shqiptarve, për ti bërë të harrojnë. Nuk mjafton vetëm medja për imazh. Duhen ftuar artistë e artiste, duhen ftuar sharlatanë e sharlatane të jetës publike, për të propaganduar për « punëmbaruarit ». Gënjeshtra me OFL-në ndërkohë vazhdon.
Propagandë, vetëm propagandë. E shpjegueshme. Nëse nuk ke se çfarë të tregosh si punë, sigurisht se do të ndezish motorrët propagandistikë madiatikë e njerzorë, për të shplarë trurin e shqiptatëve.
Në fakt, nëse përsëri ngjiz si tash 8 vjet, nuk është më trushplarja e shqiptarëve arsye e propagandës së mashtruesit klasik. Është budallepsje asgjë më tepër. Është ajo çfarë meritojmë, padiskutim.
Propaganda e shpifur mediatike që Edi Rama ka ngritur në sistem duhet shembur. Sharësi duhet izoluar. Dhe ka vetëm një rrugë: takimi me çdo shqiptarë(edhe me emigracionin), drejtpërdrejt, kudo të ndodhet, sy më sy, siq në fakt po bën Lulzim Basha, që i është shmangur luftës politike të batutave, por këtë duhet ta bëjnë të gjithë strukturat drejtuese të rretheve, për të çmontuar gënjështrën, e bashkë me të qeverisjen më gënjeshtare, qeverinë sektiste hajnash e hajneshash rekord të të gjitha kohrave që ka njoh ky vend. Për të mundur GËNJESHTARIN kampion.
Ndaj porosia e poetit të lashtë grek Euripidit i shkon për më shumë se kurr Edi Ramës e shpurës së tij « fjalëbukur » por gjëmë e madhe për shtetin dhe kombin tonë.

Nga: Av. Ndre Molla
MEDIA INDEPENDENT