Poezia e Uran Kostrecit, ish i dënuar politik marrë nga libri i tij « Epopeja e karkalecave »

Uran Kostreci

Uran Kostreci wshtw ish i dënuar i regjimit dhe shkrimtar, ka vuajtur për një kohë të gjatë në burgjet e komunizmit.
Kostreci është autor i një numri përmbledhjesh me poezi dhe ka botuar librin me të lexuar: ”Epopeja e karkalecave”.
Urani që këtë libër dhe këtë pasuri shpirtërore e ka krijuar gjatë kohëve të burgimit ironizon E. Hoxhën.
Shaska tha se komunistët dhe ballistët deri në takimin e Mukjes ishin bashkërisht në luftë kundër pushtuesit.
Pas Mukjes ndodhi tragjedia.

U mbush dyniaja
Me karkalecë
Ka mall njeriu
Përdhe të ecë

Kërcejn’ përpjetë
Të çajn’ turinjtë
Lëvrijnë sheshit
Më keq se minjtë;

Ca bark jeshilë
Kok’ kuqalashë
Me yll në ballë
Me këmb’ si mashë

Roitën, befas,
Plot zhurmë e bujë
Duke përhapur
Panik, rrëmujë:

-Ne karkalecët
Më nuk durojmë
Pushtuesit, vetë
Do t’i luftojmë
***
Ndërkaq fajkojtë
Në ajr luftonin
Që, ata, qiellin
Ta zotëronin

Mësynin egër
Mbi shpesërinë
Ua shkulën puplat
Bënin kërdinë

Zogjt’ e gjith’ botës
Përball rrezikut
Në fyt i hidhshin
Sqifter armikut

Të dyja palët
Një mizëri,
Në ajr luftonin
Si ushtëri

E duke klithur
Lart midis resë
Me sqep i binin,
Shoshoqit, kresë

Sy, këmbë e pupla
Përgjakur, prore,
Nga qielli binin
Si flok’ dëbore!

Kërdi e zezë
Në qiell zhvillohej
Kur karkaleci
Përposh trimrohej…

Zvarrisej… bythas
Zinte pusira
Kur nga lart binin
Fajkoj me mijra

Dhe një fajkua
Përdhe’ sa piqte
I ngordhur fare
A shpirt tek hiqte,

Gjith’ karkalecët
I jepnin dërmën
Duke çukitur
Si korbat kërmën!

Këto çukitje
Përmbi kufoma
A mbi t’plagosur
E gjallë akoma

Dhe ec-e-jaket
Në pyll, në mal
I trumbetonin
Si front special!

Nga: Kujtim Cekani
MEDIA INDEPENDENT

Un commentaire

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s