Ky është një dokumentar i zgjeruar nga radio televizioni i serbisë me të cilin pretendohet të pasqyrohet beteja e Koshares.
Në këtë këtë film të mbushur me gjuhë të urrejtjes e fyerje kundër shqiptarëve, megjithatë protagonistët pranojnë humbje të mëdha që pësuan nga UÇK-ja në Koshare.
Anton Çuni një nga ish Komandantët e UÇK-së në këtë betejë rikujton se njësitet e tyre ishin shumë të përgatitura të cilat shfrytëzuan 9 prillin ditë ku forcat serbe kishin festë dhe shumë nga ata ishin të dehur.
Anton Çuni:Dhe këto forca u përgjysmuan u përkulën e dhe u tërhoqën prej njesive të Ushtrisë Çlirimtare të Kosovës.
Çuni thotë se forcat serbe mendonin se UÇK-ja kishin një numër të madh ushtarësh, e në fakt sipas tij në këto beteja nuk ishin më shumë se 80 veta që luftonin përballë mbi 300 ushtarëve serb.
Anton Çuni:Në vijën e parë të frontit drejtpërdrejt të angazhuar 84 luftëtarë, kurse përballë kishim batalionin kufitar, batalionin 58 kufitar të stacionuar në disa karakolle kufitare.
Se UÇK-ja ishte shumë e përgatitur, kjo argumentohet dhe në dokumentarin e televizionit serb.
Sipas Milaim Zekës pjesmarrës në këtë betejë serbët kishin përshtypjen se altileria e UÇK-së ishte më e madhe, por në fakt ata shfrytëzonin disa minahedhës nga Shqipëria që ishin shumë të fuqishëm.
Milaim Zeka:Ka qenë një top ose minahedhës e më duket 120 milimetra të cilin thuhej në atë kohe që e ka pas vetëm Shqipëria dhe Kina dhe unë kam dëgjuar në radio lidhje ushtarët serb kur ushtarët e UÇK-së granatonin me këtë top ata thojshin në radio lidhje që na ra NATO.
Milaim Zeka kritikon institucionet kosovare që nuk investojnë në filma të tillë për të paraqitur luftën e drejtë të UÇK-së.
Milaim Zeka:Më vjen keq me thënë por duhet me thënë që është turp për gjithë neve që serbia e ka bërë një fim për një betejë aq të famshme ndërsa askush në Kosovë nuk e ka ndihmuar inisiativën time për ta bërë një film për Kosharen .
Ndërkohë burimet e RTK-së mësojnë se qeveria e serbisë ka bërë përpjekje që ky film dokumentar të mos transmetohet meqë sipas tyre ushtria serbe duhej të dukej si triumfuese në këtë betejë dhe jo siç thuhet në këtë fim dokumentar fitimtare të dalë UÇK-ja.
Media Independent 